平時我哋做開商場圍街板、名店櫥窗，估唔到今次連醫院都搵上門。講緊嘅係新濠影滙入面嗰間 「卓智醫院」（iRad Hospital）——澳門第一間開喺度假村入面嘅私家醫院，專做高端體檢同影像診斷，入面仲有 MRI 同 CT 掃描。

今次我哋「理順廣告」嘅任務，係幫醫院入面一批門換上 3M 嘅 architectural film（即係 DI-NOC 裝飾貼膜）。你可能會問：門之嘛，使乜咁講究？少年你太年輕了。醫院嘅門，同你屋企道門，完全係兩回事。

點解醫院要揀 3M 貼紙，唔直接換門？首先，醫院係營運緊嘅。你唔可能為咗換幾道門，成間醫院停業幾日，仲要搬走晒啲病人同儀器。3M DI-NOC 貼膜最大嘅好處，就係唔使拆門，直接喺原有嘅門上面施工，快、靚、正，慳返嘅時間同金錢唔講得笑。

第二，醫院環境對衛生要求極高。3M 呢隻貼膜本身耐清潔劑同消毒劑，姑娘日日用消毒濕紙巾抹都唔會甩色或者起邊，呢點對醫療場所嚟講係必須嘅。而且貼膜嘅木紋系列有消光塗層同浮凸紋理，出嚟嘅效果唔係「假木紋貼紙」嗰種 cheap 感，而係真係似一道高級木門，同醫院入面嗰種 calm 同 professional 嘅氛圍好夾。

我哋點樣做：門都要「解剖」先貼得靚你睇相見到師傅好似好輕鬆咁貼，其實工序一啲都唔簡單。我哋嘅做法係：如果可以，會拆道門落嚟喺工作枱上面貼，因為門上面有鎖、有門鉸、有防煙門嘅金屬邊，全部要避開或者拆走先。

最考功夫嘅係收邊。門嘅側邊同上下邊，如果就咁貼上去，好快就會翹起。我哋會用「重疊包邊」嘅方法，將膜料向內包多 5mm 以上，再加熱風槍收縮定型，確保就算醫院啲門日日開開關關，個邊都唔會彈起。醫院仲有啲門係有放射警告標誌同防煙門橫閂嘅，我哋要喺貼膜上面精準開孔，對位要準到毫米，唔係嘅話個閂裝唔返，成道門就廢咗。

最緊要嘅重點：醫院無停過一日成單工程最值得講嘅，係我哋完全無影響醫院運作。師傅揀喺醫院非高峰時段進場，帶齊工具同材料，鋪好保護墊，貼完即刻清理現場。醫院第二朝如常開門應診，病人行過都唔覺道門前一晚畀人「翻新」過。呢種「無感施工」，先至係我哋做商業工程最重視嘅嘢。

如果你係商場、診所、餐廳或者 office 嘅負責人，想翻新道門但又唔想大陣仗裝修，3M 貼膜真係一個好抵玩嘅 option。我哋「理順廣告」由度尺、選色、到上門施工一條龍搞掂，有興趣 WeChat 我哋傾傾啦。