外地品牌第一次嚟澳門開店，最常犯嘅一個錯，係用「原居地嘅時間表」去規劃。

香港三個星期做完嘅事，喺澳門可能要六個星期。唔係因為澳門慢，而係因為每一個環節都要重新對接一次：審批部門、場地方、業主、承建商、運輸、報關。每一條線都有自己嘅節奏。

以下係我哋幫品牌開店嘅 90 天框架。唔係死板嘅公式，但可以幫你判斷「幾時要開始緊張」。

T-90 至 T-75：把 guideline 翻譯成「澳門版本」

品牌總部會俾你一套 brand guideline。但呢套嘢通常假設：標準鋪面、標準高度、標準電力、標準審批。

澳門嘅現實係：鋪面可能唔方正、樓底可能只得 2.6 米、外牆可能唔可以打孔、招牌位可能要業主會批。

呢兩星期要做嘅事：

• 現場實測（唔係睇圖，要去度）。度樓底、度門闊、度貨